ਰੱਬ ਬਨਾਮ ਸੈਕਸ ਸਕੈਂਡਲ

ਲੋਕਾਂ ਨੂੰ ਬਾਬਿਆਂ ਦਾ ਸਹਾਰਾ ਲੈਣ ਦੀ ਆਦਤ ਜਿਹੀ ਬਣ ਗਈ ਹੈ ਅਤੇ ਖਾਸ ਤੌਰ 'ਤੇ ਬਹੁਤ ਸਾਰੀਆਂ ਔਰਤਾਂ ਇਹੋ ਜਿਹੀ ਮਾਨਸਿਕਤਾ ਦਾ ਸ਼ਿਕਾਰ ਹੋ ਗਈਆਂ ਹਨ । ਜਦੋਂ ਇੱਕ ਬਾਬਾ ਚੁੰਗਲ ਵਿੱਚ ਫਸਦਾ ਹੈ ਤਾਂ ਬਾਕੀ ਬਾਬਿਆਂ ਦੇ ਭਗਤ ਕਹਿੰਦੇ ਹਨ ਕਿ ਬਾਕੀ ਬਾਬੇ ਬਹੁਤ ਗੰਦੇ ਨੇ ,ਪਰ ਸਾਡੇ ਬਾਬਾ ਜੀ ਇਹੋ ਜਿਹੇ ਨਹੀਂ । ਕਈਆਂ ਦੇ ਭਗਤ ਤਾਂ ਬਾਬਿਆਂ ਨੂੰ ਸਜ਼ਾ ਹੋ ਜਾਣ ਤੋਂ ਬਾਅਦ ਵੀ ਮੰਨਣ ਨੂੰ ਤਿਆਰ ਨਹੀਂ ਹੁੰਦੇ ਕਿ ਉਹਨਾਂ ਦਾ ਬਾਬਾ ਦੋਸ਼ੀ ਹੈ ਅਤੇ ਕਈ ਭਗਤ ਆਪਣਾ ਬਾਬਾ ਕਾਬੂ ਆ ਜਾਣ ਤੋਂ ਬਾਅਦ ਹੋਰ ਬਾਬੇ ਦੀ ਤਲਾਸ਼ ਵਿੱਚ ਜੁੱਟ ਜਾਂਦੇ ਹਨ । ਲੋਕਾਂ ਨੂੰ ਲਗਦਾ ਹੈ ਕਿ ਉਹਨਾਂ ਉੱਪਰ ਆਈ ਮੁਸੀਬਤ ਵਿੱਚੋਂ ਕੋਈ ਚਮਤਕਾਰੀ ਬਾਬਾ ਹੀ ਬਚਾਅ ਸਕਦਾ ਹੈ ਅਤੇ ਉਹ ਆਪਣੇ ਤੰਤਰ ਮੰਤਰ ਨਾਲ ਉਹਨਾਂ ਦੇ ਵਾਰੇ ਨਿਆਰੇ ਕਰ ਦੇਵੇਗਾ, ਬਲਕਿ ਹੁੰਦਾ ਇਸ ਦੇ ਉਲਟ ਹੈ ਅਤੇ ਭਗਤਾਂ ਵੱਲੋਂ ਚੜ੍ਹਾਏ ਚੜ੍ਹਾਵੇ ਕਾਰਨ ਬਾਬੇ ਦੇ ਵਾਰੇ ਨਿਆਰੇ ਹੋ ਜਾਂਦੇ ਹਨ ਅਤੇ ਉਹ ਆਪਣੇ ਭਗਤਾਂ ਦਾ ਮਾਨਸਿਕ , ਆਰਥਿਕ ਅਤੇ ਸਰੀਰਕ ਸ਼ੋਸ਼ਣ ਕਰਦਾ ਹੈ ।

ਜਿਹੜੇ ਵੀ ਬਾਬੇ ਸੈਕਸ ਦਾ ਵਿਰੋਧ ਕਰਦੇ ਹਨ ਉਹ ਝੂਠੇ ਹਨ, ਆਪ ਜਦੋਂ ਉਹਨਾਂ ਨੂੰ ਕਾਮ ਦੀ ਲਹਿਰ ਆਉਂਦੀ ਹੈ ਤਾਂ ਉਹ ਕਰ ਲੈਂਦੇ ਹਨ ਤੇ ਦੁਨੀਆਂ ਦੀ ਨਾਰਾਜ਼ਗੀ ਦਾ ਪਾਤਰ ਬਣਦੇ ਹਨ। ਆਚਾਰੀਆ ਰਜਨੀਸ਼ (ਓਸ਼ੋ ) ਵਰਗੇ ਕੁਝ ਸੱਚੇ ਮਹਾਂਪੁਰਸ਼ ਵੀ ਹੋਏ ਹਨ ਜਿਨ੍ਹਾਂ ਨੇ ਕਿਹਾ ਕਿ ਸੈਕਸ, ਕਾਮ ਪੂਰਤੀ ਜਾਂ ਸੰਤੁਸ਼ਟੀ ਤੋਂ ਬੀਨਾਂ ਇਨਸਾਨ ਧਰਮ ਜਾਂ ਰੱਬ ਨਾਲ ਨਹੀਂ ਜੁੜ ਸਕਦਾ ਕਿਉਂਕਿ ਦੱਬਿਆ ਕਾਮ ਗੁੱਸਾ, ਕਰੋਧ, ਅਹੰਕਾਰ, ਘੁਮੰਡ, ਦਿਖਾਵੇ, ਬਨਾਵਟ ਆਦਿ ਕਈ ਰੂਪਾਂ ਵਿੱਚ ਫੁੱਟੇਗਾ।

bahut vdia likhea ji