ਕੋਸ਼ਿਸ਼

Dial kaur

 ਫੋਲੋ (1.5K)

ਮਾਂ ਦੀ ਯਾਦ ਐ ਮੇਰੀਏ ਮਾਏ, ਤੂੰ ਮੈਨੂੰ ਲੱਖਾਂ ਲਾਡ ਲਡਾਏ ,ਸਾਨੂੰ ਕਦੇ ਨਾ ਰੁਆਏ। ਆਪ ਦੁੱਖਾਂ ਵਿੱਚ ਰਹਿੰਦੀ ਸੀ, ਆਪਣਾ ਫ਼ਰਜ਼ ਨਿਭਾਉਂਦੀ ਸਾਰਾ । ਸਾਰੀਆਂ ਰੀਝਾਂ ਪੂਰੀਆਂ ਕਰਦੀ ,ਕਦੇ ਨਾ ਲਾਉਂਦੀ ਲਾਰਾ। ਸੁੱਖ ਸਾਡੀ ਝੋਲੀ ਪਾਏ ਆਪ ਦੁੱਖ ਹੰਢਾਏ । ਚੰਗੇ ਕੰਮ ਸਿਖਾਉਂਦੀ ਰਹਿੰਦੀ ,ਬੁਰੇ ਕੰਮਾਂ ਤੋਂ ਦੂਰ ਹਟਾਏ । ਸਾਰੇ ਚਾਅ ਸਾਡੇ ਪੂਰੇ ਕੀਤੇ, ਜੋ ਮਨ ਵਿੱਚ ਸੀ ਹੁੰਦੇ । ਅਸੀਂ ਵੀ ਕਦੇ ਪ੍ਰਵਾਹ ਨਾ ਕਰਦੇ , ਇਸ ਜੱਗ ਵਿੱਚ ਮਾਂ ਦੇ ਰਹਿੰਦੇ । ਖੁਰਪੇ ਵਾਂਗੂੰ ਚੰਡ ਕੇ ਸਾਨੂੰ ,ਜ਼ਿੰਦਗੀ ਜੀਣ ਦਾ ਵੱਲ ਸਿਖਾਇਆ । ਦੇ -ਦੇ ਕੇ ਹੌਂਸਲੇ ਸਾਨੂੰ, ਚੱਟਾਨਾਂ ਵਾਂਗ ਬਣਾਇਆ। ਕਦੇ -ਕਦੇ ਸਾਨੂੰ ਝਿੜਕਾਂ ਵੀ ਦੇਂਦੀ, ਪਲ ਵਿੱਚ ਲਾਡ ਲਡਾਉਂਦੀ। ਹਰ ਵੇਲੇ ਮਾਂ ਯਾਦ ਆਉਂਦੀ ,ਉਦੋਂ ਦਿਲ ਨੂੰ ਬੜਾ ਦੁੱਖਾਂਦੀ। ਇੰਨਾ ਪਿਆਰ ਦਿੱਤਾ ਤੂੰ ਮਾਏ ,ਕਿੰਜ ਭੁਲਾਵਾਂ ਤੈਨੂੰ। ਹੁਣ 'ਦਿਆਲ 'ਕਿੰਜ ਮਾਏ ਕਰਜ਼ ਉਤਾਰੇ , ਸਮਝ ਨਾ ਆਵੇ ਮੈਨੂੰ ।